لغمان کې د پلاستيکي لوښو د تولید لومړنۍ فابریکه فعاله شوه

10
د کتلو شمېره

په لغمان ولایت کې د پلاستيکي لوښو د تولید لومړنۍ فابریکې نن د یو میلیون افغانیو په پانګونې سره خپل فعالیت پیل کړ.
د افغانستان د صنعت او سوداګرۍ وزارت ویاند فواد احمدي نن سې شنبه (د کب ۵مه) رسنیو ته وویل، دا کارخونه چې په معیاري ماشین الاتو سمبال ده، د لغمان ولایت د مهترلام بابا ښار په ۶۰۰ متره مربع ځمکه کې د پلاستيکي لوښو بېلابېل ډولونه جوړوي.
نوموړي وویل چې دغې فابریکې، د یاد ولایت سلګونو اوسیدونکو ته کاري فرصتونه هم برابر کړي دي.
دغه کارخونه په ۲۴ ساعته کې له ۵۰ کیلوګرامه اومه موادو څخه د ۱۲ زرو څخه زیات بېلابېل پلاستیکي توکي تولیدوي.
د صنعت او سوداګرۍ وزارت وایي، یاده کارخونه خپل تولیدات ننګرهار،کندهار او هلمند ولایاتو ته هم لېږي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

علمي او مالوماتي