ملي امنیت د داعش او حقاني۵ غړي نیولي

9
د کتلو شمېره

 د ملي امنیت عمومي ریاست د حقاني شبکې او داعش ډلې ۵ غړي نیولي دي.
د ملي امنیت څخه په خپره شوې خبرپاڼه کې راغلي، امنیتي ځواکونو د یادې ډلې هغه غړي نیولي، چې د کابل ښار په مختلفو سیمو یې د راکټي بریدونو د تنظیم، د راکټونو د انتقال او ځای پر ځای کولو دنده لرله.
خبرپاڼې زیاته کړې، چې یاد کسان جاوید، روح الله، احمد مرید، حفیظ الله او عبدالجبار نومیږي، چې د کابل ښار په ۱۷ امنیتي حوزه کې نیول شوي دي.
یاد ریاست ډاډ ورکړی چې د خپلو هېوادوالو د امنیت د خوندیتوب لپاره شپه او ورځ هڅه کوي تر څو د هدفي وژنو ګراف راښکته کړي.
ملي امنیت داسې مهال د یادو کسانو د نیول کېدو خبره کوي چې په دې وروستیو کې د کابل ښار کې تاوتریخوالي او هدفي وژنو زور اخیستی او هره ورځ ډېری کسان پکې خپل ژوند له لاسه ورکوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

علمي او مالوماتي